هاي دارمي محاوره بين صديقين
الاول
سلمت مارديت فهمني قصــــــــــدك
شنهوالي بالك ليش خايف نحســـــدك
الثاني
موحسد لاوالله دايــــــــــــــخ تراني
وهمومي كومه اهموم همهن عماني
الاول
صدگني كلها اتروح تصبح سوالــف
لوماضحك كل ساع چاعگلي تالـــف
الثاني
ضحكني بعد ارجوك ضحكني ضحكه
والحزن لوبوراق چاهسه احركــــــــه
الاول
اضحك بعد ورتاح ريــــــــــــح دليلك
وگليبي عد عيناك صـــــــــاير خليلك
الثاني
شكرا صديقي اهواي والله اليســـرك
شفت انه بيك الخير يامحلـــــــــه درك
الاول
الشكر بس لله ماغيــــــــــــره نشكر
خلينه ندعي اليوم بس هــــــوه نذكر
الثاني
ياربي يا رحمن انصــــــــــــر بلدنه
والكرم عدنه اهواي ذبيـــــــته عدنه
محبس شذر ياهواي حطني بأصبعك
لـومـا حجايـــة النـاس للمـوت أتبعــك
لا تبتعـد وتـروح مني شبدالـــك
جسمي الك والروح خذها حلالك