ا اللي نشدتي حالنا زانت أخبارك
يا زينها بصوتك قول وشلونك
أشتاق لك دوم وادّور أخبارك
ياللي الجواب لمطلبك .. أفداك ولعيونك
يا حيّ ورد الخد .. يا حيّ بازهارك
يا حيّ كل ما بيك .. يا حيّ وشلونك
أهديتك الفكر وشعري اختارك
كريم رب البيت يحميك ويصونك
أنا بك عايش الحب ودارس أفكارك
وانا يا منيتي قايد اللي يحبونك
والله أحبك .. ومقبوله أعذارك
لا تجهدي فكرك ولا تتعبي ظنونك
في كل يوم يزود بالشوق مقدارك
و أصبحت أنا بالشوق يا شوق مجنونك
يا ليتها توافق أقداري أقدارك
ويا ليتها تصدف ظنوني اظنونك
ولا يحرم الله مسمعي قول شاخبارك
ولا تِحرم العين مساهر عيونك
الثلاثاء أكتوبر 21, 2014 5:43 am من طرف ياسمين جوما
