من االسبب في خساره المنتخب

شلونكم جميعا ان شاء الله بخير وسلامة
اخوان مثل متعرفون الشارع الرياضي جان اليوم عاقد كل اماله على منتخبنا الاولمبي على اساس يحقق نتيجة ايجابية حتى لو كانت التعادل لتكون بوابة العبور الى بكين ضد منتخب استرالي
طبعا اجتي النتيجة قاسية للجمهور العراقي وهي خسارة المنتخب الاولمبي بهدفين ضد لاشيء
وطبعا خرجنه من ثاني اكبر تجمع كروي في العالم وهي اولمبياد بكين
اتمنى اعرف رأيك بمستوى الفريق العراقي اليوم
الاسباب التكتيكية والتكنيكية
رأيي انا بكل صراحه
اولا السبب الرئيسي المدرب مكدر يقرأ نقاط القوة بالفريق الاسترالي اللي هي الكراة العالية ومثل مشفنه الاهداف تسجلت عن طريق كراة العالية
ثانيا منطقت الدفاع والماكو اي انسجام بين المتأخرين مع التكوك
ثالثا خط الوسط اليوم اداءه سيء لغاية بحيث اغلبية الكراة القصيرة اللي مررها خلدون ابراهيم غير متقنه وعشوائيه
رابعا الاشباهية اعتمدوا على الفردية الزائدة مثل سامر سعيد وكرار جاسم وماشفنه اي حلقة وصل (( مثلثلات )) مابين المهاجمين والاشهباهية
خامسا ضعف تركيز المهاجمين بشكل كبير جداً وكأن مهاجمين الفريق العراقي يلعبون وفريقهم متقدم بخمسة اهداف .!

الاسباب الفنية

اولا عدم تجمع اللاعبين بالكامل في معسكرهم التدريبي الاخير عدم وصول كرار جاسم ونبيل عباس وعدم وجود وعلي رحيمة حيدر عبودي
ثانيا الهالة العلامية الكبيرة التي رافقة منتخبنا الاولمبي واعطاء بعض اللاعبين مستوى تقديري اعلى من مستواهم الحقيقي .

قبل الختام بس حبيت اعرف من صرح المدرب يحيى علوان بان الفريق جاهز تماما جان ديتشاقة لو جان ديحجي صدك ...؟
واخيرا الله يصبر الجمهور اللي تألمت عليه اكثر مما تألمت على النتيجة
ويارب عليك العوض
تحياتي